MANGOLU DIBAGASAN PANGAJARAN NI TUHAN - Mundosaragi

 

Minggu, 19 September 2021 (16 Dung Trinitatis)
Epistel : Lukas 2:41-52

 

MANGOLU DIBAGASAN PANGAJARAN NI TUHAN

Patujolo



Buku Lukas disurat sahalak na margoar Lukas, ibana sahalak tabib (dokter) sian halak Junani, buku Lukas disurat di taon ± 60-63 Masehi. Tujuan ni surat on dibahen tu si Teofilus (Teofilus ima jolma na manghaholongi Debata), ibana sahalak na mora, na masihol manaringoti hata ni Debata.

Buku Lukas 2:41-52 na gabe nats Epistelta saonari, ima manaringoti ditingki dakdanak dope Tuhan Jesus. Ditingki Jesus diboan si Maria dohot Josep natorasna tu bagas joro ni Debata na adong di Jerusalem.



Hatorangan



Di tingki Jesus marumur dua belas taon, diarahon natorasna ma ibana tu bagas joro ni Debata na adong di Jerusalem laos mangarayahon ari raya Paskah, na dirayahon ganup taon.

Sasintongna na menarik sian cerita on ima: Tuhan Jesus na marumur dua belas taon olo jala burju manangihon barita na uli na pinasahat ni Siboto Surat, jala olo martukar pikiran taringot tu barita nauli dibagasan tolu ari lelengna (ay. 46). Boasa menarik alana ditingki i Jesus marumur dua belas taon dope, na marlapatan dakdanak dope Jesus disi, alai boi do Jesus mardiskusi rap dohot nasida saleleng tolu ari. Molo taida di nahumaliangta, angka ianakhonta dang adong ra sian tonga-tonga nasida na boi markonsentrasi lelengna satu ari. Sahalak Dr. Laurie McNelles, na meneliti khusus perkembangan ni dakdanak York University, Kanada mandok: “Rentang kosentrasi untuk anak usia sekolah biasanya sekitar 30-45 menit ima molo marumur 6-12 tahun”. On ma na gabe halobian ni Tuhan Yesus dibandingkan dohot angka dakdanak na sebaya dohot Tuhan Jesus ditingki i (ay. 47 : “Tarhalomong be do nasida umbege hatana, dibahen torus ni rohana dohot angka alusna”).

Umbahen na songoni pistar ni Tuhan Jesus, ala na sian burju ni roha ni natua-tuana do (Maria dan Josep) mangajari dohot mendidik ibana di keluarga (pendidikan keluarga).

Tuhan Jesus Anak ni Debata, sai masihol rohaNa tinggal di bagas joro ni Debata jala olo manangihon dohot mamparsiajari barita nauli (ay. 49 : “Gabe didok ma tu nasida: Boasa pola luluanmuna Ahu? Ndang diboto hamu, na patut Ahu di bagasan bagas ni Damang?”). Ala jonok ni Tuhan Jesus dohot Debata jala burju manangihon hata ni Debata, mambahen ibana semakin berhikmat, jala lam dihaholongi Debata nang jolma.

Songon natua-tua naburju (Josep dan Maria) nasida dang muruk tu Tuhan Jesus Kristus ala na di bagas joro i Ibana, nian sian roha pardagingon, mabiar jala ibobonasan do nasida ala anak nasida (Tuhan Jesus) tinggal di bagas joro ni Debata, ala biar nasida dialap nasida do muse mulak Debata tu Jerusalem nang pe pardalanan sadari lelengna.



Panimpuli

Molo taida pardalanan ni Jesus tingki dakdanak on, ima na gabe nats Epistel ta ditingkion, adong parsiajaran na boi tabuat na pe hita gabe sahalak manang posisita sebagai ianakhon.

1. Natoras dohot ianakhon olo marguru jala mamparsiajari pendidikan agama Kristen, manangihon, jala marsisungkunan taringot tu barita, manangihon, jala marsisungkunan taringot tu barita nauli, burju martangiang, marminggu mamuji Debata, jala olo mangalehon pelean tu Debata ima na patuduhon hata unduk tu aturan na binahen ni Debata.

2. Unang holan hapistaran ni jolmai tarida (IQ) alai dohot ma Spiritual Quotient SQ na denggan

3. Manjaha hata ni Debata jala burju marsiajar taringot tu pendididkan agama Kristen sejak dini, mulai sian sikkola Minggu saleleng ngoluna, jala ingkon i ma gabe prioritas utama di ngoluna.

4. Pabiasahon diri, melatih diri asa sai ringgas roha mandapothon Tuhan i dibagas joro ni Debata. Didok Psalmen 84:11 : “Ai dumenggan do sadari di angka alamanmu sian saribu ari na asing; tagonan do dipangido rohangku sijaga pintu ahu di bagas ni Debatangku, asa maringan di angka undungundung ni parjahat”.

5. Masihol tu soara ni Debata, jala dihangoluhon ma hata ni Debata i ganup ari.