MINGGU REMINISCERE 13 MARET 2022 Evangelium: 1 Musa 15:1-6

Dang sarupa kemampuan berpikir ni jolma tu sangkap haluaon na sian Debata. Molo jolma aha na sinangkapanna tergantung tu haboionna do parjolo dipeakhon, aha sipangkeonna, alai sangkap ni Debata haunduhon dohot serep ni roha mangulahon hata ni Debata do ojahanna. Kejadian Gempa bumi 7,7 Magnitudo di Pangandaran P. Jawa di bulan Juli 2006 naung salpu, pola didok “Tsunami Earthquake”, menurut data WHO mansai torop do manggallang korban jiwa. Pola do 668 halak na marujung ngolu, 65 halak na mago diasumsikan naung mate, 9.299 halak na luka. Adong ma sahalak na korban i na selamat dohot depresi na mansai bagas hinorhon ni 3 anakhonna ndang ra dapot. Nunga ro tim sar dohot alat na lengkap manggali inganan angka na longsor di humaliang hutana tong dang adong tarboto didia anakhonna na tolu i. Holan sada na ma na paposhon rohana. Diingot Ibana ma na tu singkola do anakna i borhat andorang so masa lalo na bolon i. Diingot ibana do parmisi tu ibana, mandok :”Kami sekolah dulu ya”, nunga sai manginongi di bagasan rohana. Marlojongi na ma ibana mandapothon parsingkolaan ni anakhonna i hurang lobi 4 KM sian jabuna. Alai dung sahat ibana, pola do hansit ni na hansit dihilala ibana, ai holan dolok panimbunan ni batu sisa ni gedung na marumpak i nama na adong dohot angka hau. Sai hira na di sintak ronggur na ma di hilala ibana, malala pusupusuna mamereng na masa. Songgot ma tu rohana di na sai tumatangis i adong sada haporseaon mandok “dison do angka anakhu”. Intor digogohon ibana ma manggali angka batu puing-puing i dohot tanganna papindahon angka batu i. Torop do halak na marnida, manonton ibana mamereng nunga songon na lilu amanta i, alai sai dinunuti ibana. Pola do didok angka jolma i: “Loja hamu amang, dang adong be i disi, molo pe adong i, na manambai sahit ni pingkiranmu na ma i”, sai angka ninna. Dang olo so ibana, torus do dinunuti manggali holan mamingkiri anakna i. Torus pola sahat tu na botari, tiba-tiba tarbege ma suara ni boroti mardarak di toru, laos tarbege suara ni dakdanak songgot mangangguhi. Intor dihojot amanta i, manghandit boroti i, manjou goar ni anakna i. Nunga borngin, tarbege ma tu anakna i suara ni amangna i mandok: “Bapak..... Tolong....”, songon ni nang soara ni anakna na dua nai, marhaolan do nasida dung lalo i, laos tarbege dope suara ni angka na asing manggora, patuduhon na marhosa dope nasida. Laos ditingki masa ma halongangan bolon, ganup naung pinalua, gabe masiurupan do nasida manggali gabe godang do na selamat. Gabe torop ma na tarhalomong mida na masa i, huhut mandok mauliate tu Jahowa ala na masa i, diida jala dihatindanghon nasida. Molo dung Debata ma marsoara, mustahil di jolma alai di Debata sai na saut do sangkapna.

Tung so tarjalo roha ni portibion do maksud/sangkap ni Debatatu si Abram (Nama sebelum dipanggil: lapatanna, Abraham: Ama ni saluhut na porsea). Dibagabagahon Debata tu ibana, ... upam balga”. Ingkon borhat ma si Abram manadinghon hutana dohot angka hahaanggina ala haporseaonna tu Debata. Tutu dipanghilalahon ibanado pangurupion dohot godang ni pasupasu ni Debata sahat tu na marumur ibana 85 tahun di ngoluna. Holan i, dang adong dope anakna songon panean di ibana. Laos ido umbahen na ragu ibana dibagabaga ni Debata. Sebagian bangso Israel ditiop dope pemahaman dohot tradisi paturunhon angka teanteanan tu anakna angka na mangolu. Porsea do bangso i bahkan na marujung ngolu pe berhak do dapotan teanteanan. Menurut data, laos adong pe upaya mengurangi angka kelahiran, ingkot ingotonta bahwa kehadiran ni anak/panean tetap menjadi hal yang terpenting di keluarga. Coba bandingkan, andorang so pardijabu ni si Isak si Ribka, didok parhata na i do tu si Isak:, “Gabe ma ho ale ito marriburibu loksa, jala mandapot di pinomparmu ma bahal ni angka musuna.” (1 Musa 24:60). Pandohan na sarupa dipasahat tu Rut andorang so diparjolma si Boas (Rut 4:11-12). Sebalikna na hol dianggab ibarat musu do i di keluarga Israel. Ai aib ni keluarga i do i dietong nasida, tubu do hansit ni na so marianakhon dohot perasaan dang dijanghon di angka ulaon na marhadohoan.

Jadi dihaporseai si Abram do ia panean ima silehonlehon na sakral, ndada holan silehon-lehon, alai gabe MILIK PUSAKA ALLAH”. Ima argana. Lapatanna molo dung adong panean naung sadalan do i tu sangkap ni Debata. Adong panean berarti kehidupan keluarga dijamin, bahkan adong panean na dilehon Debata do jaminan kehidupan ni sada bangso, pola didok gabe bangso na bolon. Paham ni halak hita Batak mandok, molo adong pomparan, naung gabe, boi maranak marboru, marpahompu siananak sian boru didok na muse saur matua. Dibaen ma di silangna i RIP (beristirahatlah dalam damai).

Jadi pola do alani na so adong panean gabe patubu sungkunsungkun si Abraham bahkan hira na marungutungut, marhata metmet bahkan mengeluh, “.... Oe ale Tuhan Jahowa, aha ma lehononmu di ahu? Sai na punu do ahu, si Elieser na sian Damaskus na ma sitean bagashu” (Ya Tuhan ALLAH, apakah yang akan Engkau berikan kepadaku, karena aku akan meninggal dengan tidak mempunyai anak, dan yang akan mewarisi rumahku ialah Eliezer, orang Damsyik itu) (ay.2). Pola sai hira na so magodang ibana madok: Na punu (mate so marlapatan).... Ndi, ndang adong pinomparhu dilehon ho”, mandok na dibagasan rohana. Dang holan i, gabe sahat do dibandingbandinghon ibana dirina tu angka naposona na mangula di bagasna. Mago haporseaonna golap satongkin i. Hira na mandok: “Dibagabagahon angka hamoraon, dibagabagahon ho hasangapon, alai so dilehon ho di ahu pinompar”, marungutungut ibana.

Hatiha bagabaga dang dope tulus, boi ma tubu keraguraguan dohot ketidaksabaran. Apalagi molo so adong haunduhon dohot serep ni roha di na manjalo bagabaga i. Laos ido na mangaluahon roha ni jolma i lam mandao sian Debata mambuat kesimpulan ndang adong Debata, gabe patubu rimas ni Debata ibana, cendurng gabe batu sandungan di sangkap hatuaon na sian Debata. Di saat keraguraguan i do dipagomos Debata marhite hatana papos roha ni si Abram: “..... Ndang ibana tumean ho, na ruar sian butuham, ibana tumean ho”. Halak na sai laon panghirimonna hama nuaeng dipapos marhite jaminan ni ngoluna na so halak na asing na gabe panean di ibana, alai anak na tubu sian bortian ni si Sara jolmana i do. Ditogu Jahowa ibana asa marningot saluhut pambahenanna tu bangso i dohot tu ibana sandiri asa marggogo jala marhatoguon ibana di haporseaonna. Nang pe secara simalolong ni daging ndang dope marnida bagabagai i, alai ala haporseaonna marningot hamonangon na nilehon ni Jahowa tu ibana maralohon 4 harajaon Sodom. Dang pola be adong sungkun-sungkun na mangihut sian pamanganna. Ingkon gohan ni Jahowa nama bagabaga i tu si Abraham mangalehon panean asa marhaudutan ngoluna nang ngolu ni bangso na pinillit ni Jahowa. Dilehon Jahowa do saat kepastian manang jaminan keberlanjutan hangoluan ni ibana songon ni nang bangso i marhite panumpak ni Jahowa na mangalehon pinompar songon torop ni bintang di langit. Tu angka pinompar ni naposo na i di dok: “Ndang ibana tumean ho”, tu pinomparna/paneanna didok: “...... na ruar sian butuham, ibana tumean ho”. Jelas tarida pamilliton ni Jahowa ingkon sian pinomparna sandiri ma na gabe panean di ibana, dang sian halak na asing.

Mulak saotik tu bona, tangkas do diboto Debata kelemahan ni angka naposona, termasuk si Abram songon na mewakili torop bangso na parjolo i sahat tu nuaeng on. Penakut, parbiar ima sahit songon naung dipatorang di angka jamita naung salpu na gabe sahit ni jolma na so porsea di sangkap ni Debata. Takut, biar manang lomos ima keadaan na menduakan Jahowa hape naung mangalehon pasupasuNa, na mangaramoti huhut marmudumudu. Biar manang lomos ima keadaan na so tontu hadirion di adopan ni Jahowa, ragu bahkan frustasi na selalu diikuti dohot situasi sungkun sungkin, atik beha maon.... dohot na asing. Dang jelas haporseaonna. Dang ingot ibana ai sian mulana nunga marbagabaga Jahowa asa bahenonna si Abram gabe bangso na bolon, na tarpasupasu sian saluhut hamoraonna, marsangap di adopan ni torop bangso, jala gabe pasupasu tu humaliang (1 Musa 12:2). Nunga digoho Debata satu per satu angka bagabaga i. Alai ima, olo do tubu karakter hajolmaon songon i tong disi Abrahm, dang hot ibana “baoa” dalam arti setia, malah gabe parbiar do ibana na holan mamingkiri na ringkot didirina. Tubu do keadaan tidak baik di ibana (egois), pola olo mengorbankan pardijabuna si Sara, ala disungkun ise do i mandok si Sara, gabe dialusi ibana: ibotongku...” demi keselamatan ni diri dohot artana. Hatiha i ibana maringanan di Misir. Pola do sampe lomo rohani si Firaun marnida haulion ni si Sara jala disangkapi naeng buatonna gabe jolmana asa haru tamba pardijabuna. Kan gila. Sama-sama gila si Abram dohot si Firaun. Jadi, sebenarna Abram bukan tipe orang baik. Holan i, hasatiaon ni Debata ingkon pasuutonna do bagabagaNa marhite si Abram, ndang adong na tuk manundati. Nang so satia si Abram, dang sundat asiasi dohot baga bagai.

Suman tu jolma di sihatoropan, boi do lomos si Abraham. Tu aha ma sinamot, tu ahama tutu hasangapon i molo so adong panean. Dang sada dilehon Debata, manang na holan si Isak, alai songon torop ni Binta di langit. Di tongatonga ni kecemasan i do ro Debata mangungkap angka hal hala na haru masuk angkal ni hajolmaon, alai masuk angkal di Debata. Molo hajolmaon ni si Abraham dohot si Sara nunga di luar logika boi manubuhon anak. Ala coba ma tarenungkon. Ngolunta on ndada holan sebata logika manang so logika. Na umbalga, ima haporseaon. Beha do hita mardalan manghaporseai Debata naung mengaramoti hita na sai laon, manghaporseai Debata na pamonanghon hita na sai laon sian ragam ni hamusuon rodi angka sahit. Beha do hita manghaporseai Debata naung pamonanghon hita sian kekejaman ni Corona Virus 19? Mungkin godang do hita lupa saluhutna i sian Jahowa do, alai tong dope godang hita na lupa na dilehon Jahowa kesempatan tu hita ganup asa taboto na adong Debata mangolu, paingothon bagabagana tu hita ganup. Ringkot hita marunduk marserep ni roha tu Debata songon minggunta sadarion didok Reminiscere na marlapatan Sai ingot ma ale Jahowa denggan ni basam (Ingatlah segala rahmat dan kasih setiaMu, ya TUHAN). Sude na adong di hita ganup, silehonlehon ni Debata do i. Porsea molo tapelehon luhut unsur ngi ngolunta i tu sumber ni ngolu i. Laos ido haporseaon. Laos sian ima targoar si Abraham gabe ama ni saluhut naporsea(Heber 11:1).

Hita pe tardok ruas ni huria ingkon berjuang ma hita mangalo molo ketidakpercayaanta, lomos dohot godangna i angka paradigma diri na jotjot mambahen maol saut bagabaga ni Debata. Unang ma apala hita na gabe batu sandungan di sangkap haluaon na sian Debata. Dang hita na menentukan masa depan ni dongolunta manang sadia godang basa ni Debata na tu hita. So adong laba na hita paginjang pingkiran nang roha, alai asi ni roha ni Debata na paluahon hita. Dung dipalua jala dipasintong hita gabe tubu do haoloon, haunduhon laho mangulahon ,omo ni roha ni Debata. Ai didok do: “Mardongan biar dohot lomos ni roha ulahon hamu ma haluaonmuna! Ai diula Debata do di bagasan hamu giot ni roha nang ulaon saut, mangihuthon lomo ni rohana. Di nasa pambahenanmuna: Unang ma hamu marungutungut, unang ma marroha ganggu!” (Filipi 2:12b-14). Sai na urupan ni jahowa do hita mangulahon lomo ni rohaNa di bagasan hita hombar tu lomo ni rohana.

Padan asi ni roha ni Jahowa tu si Abraham dohot do menyangkut tu dirinta. Ai didok do di Galatia 3:9, 29 “Onpe, angka na sian haporseaon i do dipasupasu rap dohot si Abraham na porsea i. Alai anggo Kristus nampuna hamu, pinompar ni Abraham do hamu, antong, jala panean mangihuthon bagabaga i.” Molo tung dohot hita angka na orsea tu Jahowa marhite Jesus Kristus sipalua i, Ibana do Malim na bolon na mangalehon haluaonta ima jaminan ni ngolunta mangadopi angka ariari ni ngolunta. Hot ma bahen panghirmonta di Jesus maimaima haroroNa paduahalihon. Langkahonma dalanmu, marhite parnidan ni haporseaon na togu so mubauba, nang so tarida marhite simalolong bi pamatang i, naung pinarade ni Debata di ganup na porsea di Ibana. Amen