Jamita : Kolosse 2 : 6 -19 DEBATA NA SATIA DI BAGASAN HOLONG-NA

Kolosse, i ma sada kota kuno di Turki, di topi lembah Likus jonok huta Laodikea. Ndang hea dope ro Apostel Paulus tu huta on, alai di tahi rohana do mangebati huria on dung malua sian hurungan songon na nidokna tu si Filemon (1:22). Nunga porsea huria Kolosse di Jesus songon parbue ni Barita Nauli naung dibaritahon di huria Kolosse. Alai godang do angka parpoda haliluon na mandok ingkon ulahonon parsunaton, pasiding subangsubang jala sombaon surusuruan na mengarah tu hagogoon ni portibi on (Kol. 2:4-23). Songon na nidok di Ay. 8 “Jaga ma hamu, so tung diago deba hamu marhitehite hata bisukbisuk dohot hata lensem na so marimpola”. Alani, laho mangalo angka poda  haliluon i, ditongos Apostel ma surat Kolosse, paboa Jesus do haroroan ni haluaon, ai marhite sian Ibana do ditompa saluhutna, na dibanua ginjang dohot na di tano on. Saluhutna i ditompa marhitehite Ibana, jala marhapatean tu Ibana. Asa marurat jala pinauliuli ma angka na porsea holan di bagasan Jesus, jala marhaporseaon  hombar tu naniajarhon Jesus.

-          Dipatudos Hata ni Debata do hita songon pohon. Asa boi mangolu, bertumbuh sahat tu na marpabue sada pohon manang suansuanan, mansai ringkot do peranan ni urat (akar). Ndang tarida urat i ni suansuanan i, alai sian i ma dalan laho mangalehon hangoluan dohot pertumbuhan. Tanaman dapat bertahan menghadapi kemarau, hujan badai dipengaruhi oleh seberapa kuat akar yang menopangnya. Pohon akan tumbang jika akarnya tidak kuat dan sebaliknya. Siala ni i, asa songon suansuan i hita, ingkon marurat holan di bagasan Jesus do hita, asa margogo hita mangalo nasa na jat, manang ajaran, pengaruh na boi mangaliluhon hita. Holan di bagasan Jesus do hita dipauliuli ndang dipalilulilu. Molo naeng denggan jala uli parngoluanta, songon panjanghononmuna di Kristus, songon i ma hamu marparange “di bagasan Ibana” (Tinggal di dalam Dia). Tinggal ndada marlapatan na gabe pasif parngoluaonta di bagasan Jesus i, alai di bagasan proses pertumbuhan suansuanan nang pe ndang tarida alai mardalan do proses pertumbuhan i, pengaliran air, mineral, enzim dalam ranting, batang akar. Holan air, mineral, vitamin na sian Jesus i ma tajalo, i do na paulihon parngoluonta, umbahen tarbahen hita marparbuehon, angka parbue na denggan hombar tu asi ni roha naung dilehon Jesus tu hita.

-          Di bagasan Ibana sahat nang tu hita hagogokNa i, gabe Ibana ma na manggomgomi jala manguluhon parngoluonta (ay. 10). Boasa gabe sahat nang tu hita hagogokNa i, ala rap dohot Jesus i do hita marhitehite Pandidion i, jala marhite naung ditobus Jesus i hita. Nunga disesa pangalaosionta marhite silang ni Kristus i.

Di partingkian sinuaeng on, poda haliluon ndada be holan na dipasahat parjamita pargapgap, ala boi do i marhite hamajuan IPTEK (ilmu pengetahuan dan Teknologi). Di era Digitalisasi na hatop mubauba, hatop sahat informasi sian saluhut partibi on umbahen didok “dengan teknologi, internet dunia ada dalam genggaman”.  Ndada na salah teknologi i, so tung holan perasaan na menggenggam teknologi, hape hita nunga digenggam teknologi. Godang ro angka hasomalan  (gaya hidup, prinsip, budaya) na imbaru na belum tentu denggan tu hita. Godang do angka informasi na paulihon hita tu na denggan, manamba parbinotoan, perenungan hidup. Alai, sai adong dope justru paliluhon hita isarana, alani game online, sketer,  judi online,, na mambahen sega keluarga, pikiran, kebiasaan begadang, pahabishon hepeng, pasegahon motivasi hidup. I ma hataridaan ni poda haliluon di tingki nuaeng. Sai adong dope na tantangan na mambahen parngoluan ni jolma i gabe so ture jala so marimpola. Hape nunga marhite mudar na arga hita ditobus Jesus jala parsidohot hita di hagogokNa i, gabe marisuang ma holong ni Jesus naung tajalo. Naeng ma nian, molo vitamin, mineral, i mahHata ni Debata, Barita Na Uli, Barita Haluaon naung tajalo, jala tahangoluhon, i do na menggerakan hita laho marparbuehon parbue na denggan di bagasan ngolunta. Didongani hita maralohon nasa na jat, jala dipargogoi patupahon nasa na denggan molo marurat di bagasan Jesus i hita. Amen