Evangelium: Jakobus 3:13-18 Habisuhon Na Sian Banua Ginjang

MINGGU VII  DUNG TRINITATIS

31 JULI 2022

Evangelium: Jakobus 3:13-18

Habisuhon Na Sian Banua Ginjang

I.          Patujolo

Surat Jakobus dipatolhas tu sude ruas ni huria na diparserahan. Isi ni suratna on mamake ragam tudosan, sipatudu dohot poda/nasihat na praktis tu halak Kristen na marpangalaho na marpambahenan. Sian panatapan ni Jakobus, ia ha Kritenon I na ingkon marsidais do tu  hamoraon, hapogoson, pangunjunan, pangalaho na denggan, haporseaon dohot pambahenan, panghataion di pamangan, habisukhon, parbadaan, kesombongan, manalahon halak, gabus, halambason ni roha. Surat Jakobus on mangondolhon dohot mandalanhon ugamo Kristen I ingkon na marpambahen ndang holan hata. Alai naeng dipapatar sian angka pambahenan na denggan dohot na tama, maradophon angka jolma. Situasi dohot kondisi jemaat mula-mula tingki surat on, pogos jala di palelele (dianiaya). Angka ruas ni huria maol manggohi kebutuhan dasar, ima sipanganon. Tingki kebutuhan dasar pe maol dapotsa, tontu gabe ujian na balga do I tu angka jemaat.

Di situasi kondisi na di hapogoson, sipanganon na maol dapotsa, tontu patubu lomos ni roha (ketakutan) ala hurang ni kebutuhan na so tarcukupi manghorhon roha ni jolma na egois (mementingkan diri sendiri). Jala boi sajo do gabe barani jolma mangulahon hajahaton. Biar ni roha ndada holan na pogos manghilalahonsa, halak na mora pe dohot do mabiar na sai pajolohon hamoraonna. Ujungna halak na hurangan mangalului dalan na jahat asa dapotna kebutuhan siganup ari i.  Di tonga ni persoalan sisongoni do di tongos Jakobus surat on asa rap menjaga komunitas ha-Kristen-on na di parserahan I, nilai ni panghataion na dibagasan habisukhon sian ginjang.

II.   Hatorangan

1.    Sitangkasan do “bisuk” na ro sian tano on, sian jolma sian sibolis !

Dibagasan habisukhon na sian ginjang I do  jolma mamake “dila” na di padomu tu pangalaho   na marpangulaon. Diulahon halak Kristen I ma bangkol manghatai,  girgir mananginangi. Surat Jakobus on paingothon angka panjaha na di parserahan, patupahon ngolu di komunitasna mardame huhut dibagasan bisuk na sian ginjang !  Etika praktis na masijanghonan di tonga ni huria, di situasi masa pangaleleion sebagai orang Kristen !

Ay 13 Habisukhon na sian ginjang tontu di arahkan i do hita manatap tu ginjang jala tahaporseai ditongos  tu hita sian ginjang tu hita na di tanoon. Jakobus patuduhon ia bisuk na sian ginjang I na di padomu tu Jesus na ias saksak, sintong, sipardame, jala pangoloi di Debata. Angka ruas ni huria na burju naeng ma masihaholongan na tarida di pambahenan patuduhon haporseaonna. Laho pahothon ngolu parhuriaon I di gurithon  panurat Jakobus ma:  ise hamu na bisuk jala na pantas marroha? Sian pandohan I  boi tardok na adong do masalah, mengancam persekutuan ni halak Kristen i. Persoalan ro sian bagasan (internal) jemaat pribadi ni sasahalak na menonjolkan diri, na menganggap diri malo, bisuk jala punya kemampuan unggul sian na deba. Tontu boi doi mengancam persekutuan. Ise hamu na bisuk jala na pantas marroha ?  Molo adong do hamu na marbisuk, dipangke ma i  laho menjaga keutuhan ni huria, sian denggan ni parangena ma dipataridahon ibana angka ulaonna marhitehite halambohon na di habisukhon! Ise hamu, manukkun sian tonga ni punguan i, adong do tanggungjawab siradotanna di silehonlehon na tu ibana habisukhon i. Lapatanna ia habisukhon na marmual sian ginjang tontu namarpambahenan doi, ndang holan menganggap dirina bisuk hape oto dipambahenan.

            Ay 14  Molo dipeop pangiburuon na paet doi, lapatanna ndang pola siluluan paraloan ala marpantas niroha dongan, ai hatongkaran dibagasan roha. Unang puji hamu dirimuna maralohon hasintongan, huhut margabus. Etika parngoluan ni persekutuan unang masa sisongoni ai tontu berpengaruh do I tu angka jemaat na asing I muse. Ia Jesus pe songon pinatudu ni Jakobus, sitiruon ni halak Kristen di persekutuan I, ai ndang mamuji diri Ibana di nasa pambahenanNa, pengorbananNa alai gabe sipajongjong nasa hasintongan na sian Ama I do. Sipasidingon ni persekutuan I doi jala sipaholangon. Ai tontu gabe patubu parbolatan doi muse lam lelanglam balga ujungan gabe mabola parsaoran i.

2.         Radoti habisukhon na ro sian ginjang

Perbandingan ni bisuk na ro sian tano on, dohot na ro sian ginjang!  Mangihuthon pengalaman ni panurat Jakobus, ia habisukhon na sian ginjang I tung andul doi sian habisukhon ni tano on. Ai panghorhon ni na ro sian tano on, sian jolma dohot sian sibolis I patubu pangiburuon dohot hatongkaran, disi ma hagaoron dohot sandok ulaon hajahaton. Ai molo sian tano on dihalomohon I do pangiburuon na patubu ulaon hajahaton. Parngoluan ni jemaat Kristen I naeng mangolu na tama. Mangharinghothon dame pasiding parbadaan. Antong huria na mian di bagasan habisukhon na sian ginjang I di hangoluhon do sandok na bontor do i, olo mardame, lambok, pangoloi, gok asi ni roha dohot parbue hadengganon, dao sian hagangguon nang pangansion.

Situasi sulit kebutuhan si ganup ari di warga jemaat, habisukhon na sian ginjang patukhonsa dohot mangalehonsa. Ndang patubu pangiburuon I di hita molo maradong di dongan, sitangianghonohon do, ai sada komunitas doi di bagasan na sahaporseaon. Ndang patubu pamujion diri molo tung dapotna pe jala berkecukupan di kebutuhan si ganup ari. Lehon ma di hami hangoluan siapari. Berilah kami makanan kami se cukupnya! Molo tung dapotna pe lobi sian cukup tugas ni na marbisuk na sian ginjang I do I laho paradehon di angka na hurangan. Godang ni jolma na hurangan di sipanganon, parabiton dohot di inganan (jabu). Angka na marbisuk I mamarateatehon na patut di urupi. Unang bolong sipanganon I, ingot godang dope na so dapotan mangan, godang dope na so marbajubaju antong haseanghon bajubaju I tu hatureanna, unang gabe sampah na mambahen polusi tanah.

Habisukhon sian ginjang, na ro sian Debata ! sandok bontor doi (murni) ndang patubu pangiburuon di angka na hurangan, ndang patubu pamujion ni diri di angka paradongan. Molo adong  pe taida kesenjangan sosial Mamora-Pogos, angka na marhatopothon bisuk na sian ginjang nang pe pogos di arta unang sampe pogos di roha ingkon marroha na serep. Angka paradongan di arta gabe mamora ma nang dipambahenan na maparngulaon, olo berbagi berkat. Tubu ma na masitumpahan, masiurupan, di tonga ni huria. I do nataida di Koor IMMA TUTU karya SB Hutabarat.

III.       Sipahusoron ni roha

1.    Pokok utama ni kitab Jakobus ima “Haporseaon na marpangulaon ” (Iman dan perbuatan). Situasi sulit jumpangan sipanganon di tonga ni parngoluan, jemaat I tama do masiurupan, saling berbagi, I do bisuk na ro sian ginjang. Saurdot do  haporseaon tu pangulahonon. Dipatuduhon haporseaon I do pambahenan na sintong jala ujian besar ni haporseaon ima pambahenan na mangolu!

2.    Angka na marbisuk I didok di halak batak, sipanangkok na male, sipatuat na bosur. Silehon inganan tu na habornginan, dilehon saong tu na haudanan. Sihorus na lobi sigokhi na longa. Molo jumpang sisongoni di tonga ni huria na badia tontu dapot ma sinta-sinta bersama-sama di huria I mendarat ma bisuk I na tarida di parsaoran.