Evangelium: Lukas 19:1-10 Didiori Jala Dipalua Jesus do Angka na Mago

I.         Patujolo

Mamukka sian Lukas 18:31-19:44, dipatorang do pardalanan ni Jesus na tolhas tu Jerusalem. Di tomu-tomu do Ibana di huta Jerusalem. Di bindu 19: 1 dipatorang do pardalanana ni Jesus mamukka sian huta Jerikho. Di huta Jeriko godang do akka si jalo beo, termasuk ma di si  Sakeus. Di tikki Jesus naeng borhat tu Jerusalem, di bolus do huta Jeriko, on ma gabe sada kesempatan tu si Sakeus naeng memereng dohot simalolong na sandiri, Jesus naung sar tarbarita tu godang liat ni huta

II.   Hatorangan ni Turpuk

Panurat ni buku Lukas, patandahaon hadirion ni Jesus gabe Subjek (tokoh Utama) dohot si Sakeus gabe objek (tokoh ke dua) di bagasan ni barita on. Di patorang do, ia ulaon ni si Sakeus ima nagabe songon sada pangulu ni si jalo beo. Sia jalo beo ndang si jalo upa sian induk somangna. Alai boi do ibana manjalo beo lobi sian naung di tontuhon ni induk somangna, laos gabe na lobi i ma gabe upana. I do umbahen gabe di hasogohon godang jolma angka si jalo beo. Toho do mamora ianggo di Zakkeus, alai godang do penafsir mandok, molo parngoluon ni si Sakeus di bagasan lungun ni roha do, boi do di rimangan i sian hadirionna na gebe sada si jalo beo na jotjot gabe si hasogohonon di tonga-tonga ni masarakat uju i.  Tubu do sangkap ni roha di si Sakeus laho mamereng rupa dohot hadirion ni Jesus dohot  simalolong na sandiri, ai sar do barita ni Jesus na mambahen angka halongangan di tonga-tonga ni bangso i. Hirim do roha ni si Sakeus, naeng mamboto hadirion ni Jesus songon angka jolma na asing na sai mangurhon Jesus tikki i. alai sian hirim ni rohana naeng jumping dohot Jesus, adong sada pangambati di ibana gabe ndang boi mamereng Jesus dohot simalolong na sandiri. Ia si Sakeus di gombarhon do sada baoa na pendek pamatangna. Di patorang do, ala godang ni jolma na manghaliangi Jesus, dohot pendek ni pamatang ni si Sakeus gabe so boi do si Sakeus naeng pajononkon diri tu Jesus laho mamereng rupa ni Jesus. Nang pe namora ibana, alai ala si hasoghonon ni jolma do ibana jala poso do pe ibana, gabe dang pola dipardulihon angka natorop i ibana.  Alai sian sude na mangambati hirim ni roha ni si Sakeus jalo marnida Jesus, tubu do sada parulaon ni si Sakeus nasumalim. Dang gabe gotap pangkirimon na laho mamerang bohi ni Jesus. Marlojong do ibana laho manjoloi akang jolma na torop i. Sian gelleng ni pamatangna, ndang ulaon na mura si songon i tu hadirion ni si Sakeus. Alai ala dang taradu ibana timbo ni akka jolam na tororp i, toppu ma di bereng ibana bona ni hau ara, gabe di jakkit si Sakeus ma hau i asa takkas ida on na Jesus sian ginjang ni hau i. Ai na sian toru ni hau i ma Jesus mamolus.

Di ayat 5, di patorang do hadirion ni Jesus marnida pangalaho ni si Sakeus na girigir naeng pajumpang dohot Ibana. Sian ayat on di buhai do gombaran ni misi ni haDebataon ni Jesus. Di disi diida Jesus si Sakeus na manjakkit tu hau ara, laos dijouhon Ibana do goar ni si Sakeus. Dang di paboa panurat ni buku on, sian dia Jesus mamboto goar ni si Sakeus. Boi do sian hahomion manang hadebataon ni Jesus (songon Johannes 1:47-48), manang sian akka jolma natorop na disi na manjouhon goar ni si Sakeus, manang na disukkun Jesus tu angka siseanna na rap dohot Ibana.  Dung i di dok Jesus ma “ O Sakeus, hatop ma ho mijur, ai ikkon sorang Ahu tu jabumi sadari on!”. Hata “hatopa ma/ segeralah/ hurry” di bahasa gorik di dok “speusaz”. Boi do on marlapatan eskatologis taringot tu haroro ni Jesus na ikkon situtu “gira” jala dang marlemba-lemba jala narikkot do harorona. Baoi do gabe sukkunsukkun roha ni na torop ujui boasa ikkon tu jabu ni si Sakeus Jesus maradi. Alai gabe on ma sada tikki ni Debata lao paluahon si Sakeus asa gabe dohot ibana parjambar di asi ni roha ni Jesus i.

Di ayat 6, dipatudu si Sakeus do las ni rohana panjouon ni Jesus i. jolma si hasogohonon do ibana, hape gabe ro Jesus manjou ibana asa lao tu jabu ni si Sakeus. Gabe songan dapotan ale-ale situtu ma ibana tikki i. “jadi hatop ma ibana mijur, las rohana manjakkkon Jesus” sian I, tarida ma sihol ni roha ni si Sakeus na naeng ro sada tamue, ndang holan nanaeng mairosang sambaing, alai, nanaeng adong nanaeng adong sijaloon na sada bohan na uli sian hata ni Debata.  Di ayat 7, Gabe marungutungut ma sude jolma natorop i. di hatiha Jesus naeng mamungka misi lao paluahon si Sakeus sian dosana, godang ma jolam naso manghalomohon hadiron ni Jesus i. Gabe di sok nasida ma “Nasorang do hape Ibana tu halak pardosa!” Maraungutungut, Bersungut-sungut sarupa do i tu hata “menggerutu”, “mengecam” manang “menghatahon hatahata panginsahion” patuduhon sogo ni roha. Di ayat 7 on, lam patarma patuduhon hadirion ni si Sakeus na di hasogohon torop halak di luat i. Di dok nasida do si Sakeus pardosa. Marguru tu pangastusin ni halak Jahudi, ia sijale beo, tarlumobi ma panguulu ni si jalo beo gabe horong ni pardosa. Gabe jolma na lea do angka si jalo beo di halak jahudi.   Sian on gabe tangkas ma taboto, asi dohot holong ni roha ni Tuhan naso ‘pandang bulu’ taringot tu hagiot ni Debata na laho paluahon jolma pardosa na olo manjalo holong ni Tuhan i.

Di ayat 8, tarida ma parbue ni ulaon ni Jesus Kristus na laho paluahon si Sakeus. Gabe dapaotan hamubaon ni roha do so Sakeus tikki i. Gebe jonjong do si Sakeus laos di dok ma tu Jesus “olo Tuhan, satonga ni angka artangki ma hulehon tu angka napogos ,jala ia adong na huangati, siopat lompit ma hupaulak”.  Sian on tarida do hamubaon ni roha ni si Sakeus namarsitutu.   Parjumpaon ni Jesus dohot si Sakeus naghorhon hamubaon ni roha na sun denggan. Haroro ni Jesus maisorang tu jabu ni si Sakeus, menghorhon haluoan di ngolu ni si Sakeus, gabe tubu roha mauliate na dipatuduhonna marhite-hite burju nirohana laho mambagi akka sinadongan na tu akka donganna na pogos. Toho ma tutu na nidok ni Jesus, “Situtu do na hudok on tu hamu: Tung maol do habongotan halak na mora tu harajaon banua ginjang i. Alai Sandok ndang tarpatupa jolma i, alai anggo Debata, saluhut do tarpatupasa” Boi do si Sakeus paluahon artana laho mangihuthon ajarajar ni Jesus.

Ayat 9-10 gabe ayat panimpuli taringot tu si Sakeus. Di ondolhon do tu hita, balga ni asi dohot holong ni roha ni Debata. “Dapotan tua do pangisi ni jabu on sadari on, ai pinompar ni si Abraham do nang ibana”. Hata on patuduhon tu hita, dapaotan haluaon do angka jolma na jumpa jala naolo manjalo haluaon sian Tuhan i. Di son, hata “pomparan ni si Abraham” patuduhan tu hita, ndang holan halak Parisi manang uluan ni Jahudi na gabe pomparan ni si Abrahm, alai dohot do halak pardosa na mangalehon rohana tu Tuhan ni, gabe pomparan ni si Abraham. Suang songoni, hata ‘pomparan ni si Abraham’ dang holan laho patuduhon ‘garis keturunan’ alai patuduhon garis haporseon sian si Abraham tu si Sakeus.

III.       Hahonaan

Tema ni minggunta sadari on ima Didiori jala dipalua Jesus do angka na lilu di bagasan dosa. Tangkas do taboto, ianggo sangkap ni haroro ni Jesus tu protibi on ima na lao paluahon sude jolma sian pardosaon. Di Lukas 5: 32, di paboa do tu hita “Ndang na ro Ahu manjou angka partigor, asa dipauba rohana, angka pardosa, i do!” alai massai alo do tu roha ni jolma tikki i panurirangon ni Jesus na gabe mangharikngkothon panghobasion tu angka pardosa. Di lului Jesus do angka jolma na lilu, jala jotjot do on tabege di perumpamaan ni Jesus taringot tu birubiru na lilu, manang tu anak na lilu. Mangalului jolma angka na lilu sian dalanna, lapatanna paluahon jolma sian angka dosana.  Diparngoluon ta di bagasan tikki on, sering do hita sarupa tu angka halak Jahudi,  nanaeng mamposisihon dirinta tu akka halak na so mardosa. Jotjot do hita manguhumi akka jolma na berbeda sian hita, tarlumobi ma i, tu akka jolma naung tarpunjun hian ala angka ulaonna namaralo tu akka uhum dohot ketetapan ni adat istiadat. Tontu sahali godang pertimbangan di hita laho paholang dirinta sian akka jolma naung ni cap gabe parjahat. Alai porlu attusan ta…jamita on, dang laho paingothon hita asa pajonok diri tu akka parjahat, alai boha asa boi  hita mamboan akka na lilu gabe jonok tu Debata do. Pajenek akka na lilu tu Debata lapatanna asa dabaotan hamubaon ni roha dohot haimbaruon ni roha. Sian haimbaruon ni roha na i do, gabe dapat haluaon ibana, gabe boi ma marsaor ibana muse tu masarakat dibagasan hadameon.

Dang ulaula na mura laho pajonok dongan jolma tu Debata, alai dipatudu Jesus do sada contoh, na gabe sitiruon di hita laho patudu lomo ni roha ni Debata tu akka dongan ta na tarpunjung. Boha hita? Mungkin sahali do hita termasuk di bagasan horong ni jolma pardosa jala na tarpunjung i, alai dibagasan tikki on, di lehon do tu hita apul-apul, ia holong ni Tuhan i, ndang sibereng bohi, arta, dohot akka na asing sipandangon ni jolma. Molo tung di bagasan dosa hita saleleng on, godang do dilehon Tuhan di hita kesempatan laho marhaubaon. Boi sahali do dang tarjalo ni jolma hita alani akka hasalaan dohot pangulaonta gabe tarpunjung hita. Alai holong ni Tuhan sarupa do tu sude jolma na olo pauba diri na sian akka hajahatonna.  Molo tung doangan ta pen a tarpunjung ala ni akka dosana, boi ma hita nian laho patandahon holong ni roha ni Tuhan tu Ibana, asa dapotan haluaon ibana sian angka dosana. Ai molo di diori Jesus akka pardosa asa dapotan haluaon, termasuk do hita di si. Ala ni I, boi ma hita pararathon asi ni roha na  i, tu angka dongan ta manusia.  Amen