POLIN
MANGIHUTHON JESUS
Huria na
hinaholongan ni Tuhan Jesus Kristus! Dipatorang do di bagasan turpuk on, Debata tindang di luhutan ni debata. Pandohan on manggombarhon na Debata do panguhum di tongatonga ni panguhum. Di tonga ni luhutan. Debata sandiri manguhumi angka panguhum dohot debata i. Di pungka do marhite sungkunsungkun ”Sadia leleng on do pageduhon muna uhum, jala dingkanan muna parjahat i ?” sian on boi taboto na saleleng on angka debata i, ndang pajongjong uhum dohot hatigoran tu angka na pogos, na gale. Alai, baliksa na gogo jala na jahat do na dibela nasida. I do umbahen na disuru nasida patingkos nasa uhum, hombar tu na nidok ni Debata.
1.
Hatorangan ni Turpuk dohot Refleksi
Di bagasan pengadilan, tung mansai sentral tugas ni sahalak panguhum (hakim).
Ala, sian ibana dihirim do sada haputusan na tigor jala na bonar. Sian on boi taida, tung balga do panghorhon ni ulaon ni sahalak panguhum di tongatonga ni ulaonna. Di tangan ni panguhum, marsigantung angka nasib ni godang jolma. Dibahen i do, disuru Debata panguhumNa, asa sude panguhumNa manjalo ulaon i, pajongjong hatigoran dohot uhum na denggan tu angka halak na sopot so marama, na pogos, nasuda gogo, na dangol, jala unang manjahati jala mardingkan tu angka siula hajahaton. Ala, Debata sandiri dipatuduhon Ibana do keberpihakan tu angka na pogos na gale. Karakter ni Debata patar tarida do di bagasan diri ni AnakNa Jesus Kristus, na rade marsaor di tongatonga ni angka na pogos, na gale, na hurangan. Dibahen, hita angka sisean ni Jesus patut
hita mangulahon sisongon i, unang be mardingkan, manang tabahen jarak maradophon halak na asing. Alai, tapajongjong ma
hatigoran dohot hasintongan, perduli tu angka na gale. I do praktek na patut ulahononta di ngolunta on.
Sude jolma ingkon mempertanggungjawabhon na niula ibana be. Songon panguhum i na manjalo ulaon sian Debata, suangsongon i do nang jolma, dilehon tanggungjawab di tongatonga ni portibi on laho pajongjonghon uhum dohot hatigoran marhite angka ulaonta be. Isarana, songon dokter, pengusaha,
partiga-tiga, parjamita, saluhutna ingkon denggan tahobasi bahen mangurupi angka dongan jolma. Ndada holan sebatas padalanhon ngolu siapari, alai marhiteulaon i lam patar harajaon ni Debata. Alai, angka halak na “menyalahgunakan wewenang” na nilehon ni Debata, manang manghilala ndang sian Debata dijalo nasida ulaon i, gabe dituntun lomona, sai najumpang ma tingkina,
na pertanggungjawabhononnasida ma ulaonnasida i di jolo ni Panguhum na Tigor i.
Martiti do luhutna, ndang hot hajahaton i jongjong. Sai na jumpang do tingkina tinggang jolma i songon angka na asing, na so mangulahon ulaon na pinasahat ni Tuhan i tu
ibana. Sai na uhumon do angka siula hageduhon. Debata sandiri ma na gabe Panguhum na tigor, na manguhumi sude jolma manisia. Alani, diajari do hita asa tapatupa keadilan tu angka jolma, tarlumobi tu angka na termarginalkan di tongatonga ni portibi on. Adong
deba dongan jolma na ‘hurang gogo’ laho membela diri mangalo ketidakadilan
di ngoluna. Tarjou do hita laho mengalehon pangurupion marhite pendampingan hukum, asa lam margogo
nasida. Sai unang tapasombu angka ‘donganta na ringkot siurupan’ diproses keadilan si songon i. Ai dijou
do hita asa tongtong pajongjong hatigoran i. Tarlumobi, taingot ma adong do
Panguhum na Tigor i, i ma Debata, na manguhumi nasa jolma na di portibi on, di
ari parpudi i.
Topik Minggunta “Polin Mangihuthon Jesus”, mangarahon hita sude asa saluhut ulaonta i patuduhon haunduhon tu Debata, ala sian Ibana do sude tajalo ulaon i. Angka jolma na
digoari na ‘mora’ i pe, ingkon do mempertanggungjawabhon hamoraonna, na pogos pe ingkon do mempertanggungjawabhon hapogosonna. Ingkon do manat ibana manimbangi asa unang manghilala na boi lomolomo na sambing mangula angka ulaonna, manang ndang mananda ibana di dirina. Alai Debata do na mangalehon i, na ingkon denggan ulahononna nasa napinasahat tu ibana mardongan hapolinon. Di Minggu na naeng ro, marningot do hita ari Kemerdekaan Indonesia, tangkas jala na tahaporseai Debata do na mangalehon haluaon (kemerdekaan) i. Ibana mangalehon haluaon tu na termaginalkan . Patut do ingkon ingotonta na masa i sadari on, na terjajah hian gabe merdeka hita. Asa tapangke haluaon
(kemerdekaan) i, laho patupa haluaon tu angka
jolma muse. Tarlumobi, tama do pujionta jala tapasangap
Debata, ala haluaon naung pinatupa Ibana
di bagasan AnakNa, Jesus Kristus na paluahon hita sian parhatobanon ni dosa.
Antong, polin ma hita mangihuthon Tuhanta Jesus Kristus, Sipalua i. Amen!
Post a Comment