DEBATA
DO PANGUHUM
Hamu angka dongan sahaporseaon, perumpamaan na tarsurat di turpuk on, i
ma perumpamaan na niajarhon ni Tuhan Jesus tu angka siseanNa, taringot tu
naposo haposan dohot naposo na jahat (hamba yang setia dan hamba yang
tidak setia). Udut ni perumpaman ni Tuhan Jesus do on taringot tu na
“berjagajaga” asa tongtong dungo jala manogihon hita asa tongtong tekun
mangula sude ulaon na pinasahat ni Debata tu hita asa dohot hita gabe bilangan ni
angka na bongot tu harajaon ni Debata. Naposo “hamba” di Bahasa
Ibrani digoari “Eved”, i ma “budak” manang pelayan, i ma
sahalakna mangula tu haporluan ni halak na asing, na so marhuaso tu dirina. Ngoluna
sude parnanpunaon ni indukna. Songon i ma hita angka na porsea tu Debata, angka
na mangihuthon Tuhan Jesus. Naposo ni Debata do hita “Hamba Allah”. Hata
ni Debata mandok: “Ai arga do hamu ditobus dibahen i pasangap hamu ma Debata marhitehite
dagingmuna dohot marhitehite tondimuna, ai Debata do nampuna i (1 Korint. 6:20;
1 Ptr 1:18-19). Alani, ndang hita be nampuna ngolunta, alai Tuhan i do. Dihalomohon
Debata asa sude keberadaanta bahen Hasangapon di Debata.
Songon naposo ni Debata “Hamba Allah” sialani i, ingkon mangolu,
mangula, ingkon marhobas do hita mamangke sude na adong di hita. Na marlapatan
do i, ndang boi nasa na targoar naposo ni Debata mulaulaonna hombar tu lomo na
sambing, alai ingkon unduk do tu parsuruonni na marsuru, i ma Debata. Kebesaran
serta nilai seorang hamba terletak pada ketundukan pada tuanya dan hamba
yang demikianlah yang mendapat pujian dan penghargaan tuanya. Nuaeng mansai
ringkot pahusorhusoronta, songon dia do hita angka na targoar naposo ni Debata,
unduk do hita tu lomo ni roha ni Debata, dingolu si ganup ari manang ndang ? Somal
na adong 3 na marhuaso di ngoluni jolma, i ma: Lomo ni roha ni Debata, huaso ni
sibolis, huaso ni jolma. Dipangido turpuk jamita on asa tapasahat ma dirinta gabe
naposo ni Debata na burju, na mangulahon hombar tu lomo ni roha ni Debata.
Hamu angka dongan sahaporseaon, nuaeng ndang adong be tingki di hita marnalemba.
Ingkon ingotonta do na ro do Tuhan i tu angka halak na satia diulaon ni Tuhan i.
Naposo haposan na burju ,i ma na mangulahon ulaonna secara bertanggungjawab. Dohonon
do ndang naposo na losok na dohot tu hangoluan na manongtong ai naposo na
losok, ndang marparbuei, jala di ujung na diambolongkon tu haholomon na marimpotimpot.
Hombar tu topik Minggu: “Debata do Panguhum”. Hamu angka dongan sahaporseaon,
dipaingot do hita asa ganup jolma mangarade di ari ni Tuhan i. Unang sumurut
hita di angka ulaon na denggan i. Parbuehon ma parbue na denggan hombar tu
haporseaon tu Tuhanta Jesus, asa parjambar hita sogot di hangoluan na
manongtong i. Sai unang tapaloas pingkiranta dohot ulaonta maralo tu lomo ni roha
ni Tuhan i. Mangula ma hita hombar tu panogunoguon ni Tondi Parbadiai, asa
hombar tu lomo ni rohaNa i saluhutna. Songon ende BE 672: Tung godang situtu
ulaonmu antong dipasahat Tuhanta tu ho, ndang adong be tingkim marnalemba tahe
d.u. Seberapa besar kesediaan kita untuk terus berjuang dan berkarya demi
meraih tujuan yaitu kehidupan yang kekal, sebesar itu jugalah semangat kita
melakukan yang baik di dalam kehidupan keseharian kita. Amen
Post a Comment