MINGGU XIII DUNG TRINITATIS
11
SEPTEMBER 2022
Dihalomohon Debata Do Hamubaon Ni Rohanta
I. Pendahuluan
Barita Nauli Sian si
Mateus, nasuk tu horong ni Injik Sinoptik. Sian opat Injil Sipnoptik mangarihon
haunikon na be hombar tu siapareakan na be, hombar tu sipananginangi na
siangkap ni si panggurat, lataar belakang budaya dohot parngoluon di
partingkian i. Umbahen i do dang uloan namura laho mangalapati napinikkiran ni
panggurat. Sangkap ni panggurat buku Mateus di nalaho manggurathon buku Mateus
ima nanaeng manjamitahon parngoluon ni halak naporsea ikkon togu di haporseaon
na i tu Debata Jahowa na mangolu di bagsan habonaranNa. Angkup ni i, si Mateus
naeng pabotohon ngolu ni halak na porsea ikkon do sada di bagasan parsaoran tu
Debata. Na maniop gomos haperseaonna sahat tu ujung ni parngoluon di portibion. Sangkap ni Panurat buku on, asa
panjaha ni buku Mateusboi mangarahon angka donganna tu haporseaon na mangolu di
bagasan Tuhan Jesus jala manjadihon sude gabe sisean ni Jesus di portibi on, songon tahi ni Jesus na rot u
portibi on laho mangalului dohot paluahon angka jolma na mago di dosana.
(Matius 18:11 dohot Matius 28:19-20).
Matius
18:12-14, taringot tu biru-biru na mago. Sian 100 biru-biru ni parmahan i,
adong ma sada na mago. Alai di tadingkon parmahan i ma si 99 nari biru-biru
i laho mangalului sada biru-biru na mago
i. Laos di pabao do songon dia las ni roha ni parmahan i, dung jumpangsa si
sada birubiru na mago
II. Hatorangan
Dilehon Jesus do sada tudostudosan
tua angka siseanna dohot angka naumbege jamitaNa. Tudostudosan i, dibahen Jesus
sian parngoluan siapari. Parmahan di bangso Israel, ima sada ulaon naung di
massai tangkas diboto halak Israel. Jadi dipungka Jesus ma mangajari nasida:
18:12 Beha do
rohamuna: Adong ma di sahalak saratus birubiru, gabe mago sada sian i; nda
tadingkononna ma na siapulu sia i di tor, laho mangalului na mago i?
18:13 Na
sintong ma na hudok tu hamu: Anggo dung jumpangsa, lasan ma rohana mida i, asa
mida na siapulu sia na so mago i.
Di bahen Jesus tudostudosan i, asa muara antusan ni angka
sisean na dohot angka pambegenasing, taringot tu holong ni Debata marnida angka
jolma na lilu. Di ayat 14 di dok18:14 ‘Suang songon i do
roha ni Amamuna na di banua ginjang i, ai dipangido do, naeng unang mago agia
sada sian na metmet on’.
Adong 3 siondolhonon sian ayat on:
1.
Tuhan
silului angka jolma na mago, Tuhan Jesus na tasomba i, ima Tuhan
silului angka jolma na mago. Ndang holan sipanguhum sambaing, manang na
manulakhon angka jolma pardoasa. Alai didiori do angka nalilu asa mulak tu
dalan hatiuron. Boi jahaon di Hezekiel 34:16: 34:16 Luluanku ma na mago i, jala
mulak boanonku na tardempar i, jala lilitanku do na mabugang i, jala
pargogoanku do na marsahit i; alai anggo na mokmok i dohot na gogo i siaphononku
do, ahu sandiri tahe marmahansa marhitehite uhum”. Tung so soada do parmahan na
mangoloi hamamago ni birubirna. Birubiru na lilu manang so lilu i,
manggombarhon parngoluon ni jolma. Alai tung saluhut do jolma mangharingkothon
haluaon na sian Tuhan Jesus Kristus i. di Efesus 2:1 di dok: Hamu pe, nunga
mate hamu najolo hinorhon ni angka pangalaosion dohot dosamuna. Alai dang di halomohon Debata hamamago ni
parjahat i, alai hamumulak ni parjahat i do di halomohon Debata. Di uduti di
Efesus 2:4-5, Alai anggo Debata parasiroha bolon do jala parholongroha na balga
maradophon hita.Jala raphon Kristus do dipangolu Ibana hita, angka naung mate
di bagasan angka pangalaosion; na sian asi ni roha do, umbahen na malua hamu!
2.
Godang
ni las ni rohn ni Jesus di hamumulak ni parjahat i .
Di
ayat 13 di dok: Na sintong ma na hudok tu hamu: Anggo dung jumpangsa, lasan ma
rohana mida i, asa mida na siapulu sia na so mago i. godang nil as ni roha
ni parmahan i dung jungpangsa na lilu na
sada i, dipatudos Tulas ni roha ni Jesus molo boi mulak sada pardosa tu Ibana. Sian on ma taboto
godang ni las ni roha ni Debata di hamumulak ni parjahat i.
3.
Dang
di halomohon Jesus, hamamago ni jolma i. Di ayat 14: Suang songon
i do roha ni Amamuna na di banua ginjang i, ai dipangido do, naeng unang mago
agia sada sian na metmet on. Di halomohon Debata do sude jolma asa badia,
songon Ibana na badia. Songon sada basabasa na balga situtu do di hajolmaon,
ala di haholongi Debata do jolma i nang pe naung madabu tu bagasan dosa.
Umbahen i do dang di halomohon Debata hita lilu diangka dalanta. Ido umbahen di
jagahon Debata hita asa unang lilu diangka dalanta. Jadi, ala dang di halomohon
Debata hita manusia lilu di bagasan dosa, dilehon ma di hita basa-basa na
sumurung:
1.
Di lehon ma tu hita Hata i, marhite-hite
Tuhan Jesus Kristus, jala Jesus do hata i, Ibana ma hata na mangolu i, jala
Bibel i, paboahon jala patuduhon tu hita.
2.
Di lehon tu hita Tondi Parbadia, laho
mangantusi laomo ni Roha ni Debata. Marhitehite Tondi Parbadia i dilehon ma
Hata i tu bagasan rohanta, gabe dang adong be pambingkasi di hita asa gabe lilu
sian dalan ni Debata, ala naung tinuntun Hata i hita di dalanta.
III. Hahonaan.
Molo ta rimangi tema ni
minggun ta tingki on ima: “Dihalomohon
Debata Do Hamubaon Ni Rohanta”, taboto do nian i. Hampir sude do halak Kristen
mamboto dang na dihalomohon Tuhan i, lilu jolma i di dalanna. Alai sering do
dang taantusi, na lilu do hita manang daong. Balik tahe, gabe hita do jotjotan
manguhumi halak na asing sian dirinta sandiri. Alai di tingki on, di paboa tu
hita, marhite-hite Tondi Porbadia, boi do dituttun tonditta laho mamboto
kondisi di haporseaonta. Ta jalo mai sian Tuhannta, asa taboto angka naringkot
di ngaolunta.
Post a Comment