MINGGU, 9 OKTOBER 2022 DEBATA DO NA PAMALUM HO - Mundosaragi

 

DEBATA DO NA PAMALUM HO

 

Huria na hinaholongan ni Tuhanta Jesus Kristus! Sederhana do turpuk on. Sahalak Panglima perang ni Kerajaan Aram na margoar si Naeman, marsahit ibana i ma sahit kusta. Adong ma muse sahalak parompuan pembantu ni istrina halak Israel, didok ibana asa laho ma si Naeman mangido pangurupion tu panurirang ni Israel. Ala holong do roha ni raja Aram tu Panglimana i gabe dibahen ma surat tu Raja Joram raja ni Israel asa dipamalum si Naeman. Mabiar ma si Joram ala so boi dipamalum ibana panglima i. Dibege Panurirang Elisa ma na masa i, didok ma asa ro si Naeman mandapothon ibana, dung ro si Naeman disuru ma ibana maridi pitu hali tu aek Jordan. Maol do tarjalo si Naeman na masa i, alai umbisuk do pangurupina i disosoi ma asa diulahon. Ujung na diulahon si Naeman do. Dung maridi ibana tu aek Jordan, tutu pintor malum ma ibana. Marhite turpuk on, godang do na boi putihonta jala sihangoluhononta. Isarana, dipapatar tu hita paboa tu saluhut jolma do dipatupa haluaon na sian Debata manang bersifat universal. Dipasahat Debata haluaon i  tu angka jolma na olo manjanghon dohot mangulahon hata dohot parsuruonNa i. Adong manang piga na boi uhalonta sian turpuk on:

1. Beha pe hebat ni jolma sai adong do hahuranganna. Panglima perang Naeman sahalak na paling disegani uju i, rajana pe hormat do tu ibana, alai diayat 1 didok ’sahit puruon ibana’. Ternyata jendral na hebat, na tarbarita ndang boi manaluhon sada sahit na ro tu ibana. Hira songon i do nang ngolu ni jolma on, alani, na masa tu si Naeman on laho manosoi hita, asa unang tahaposi na adong di hasiangan on, manang kehebatan, popularitas, dll. Torop do angka na mora di portibi on, na gabe pengemis mandapothon akhir-kahir ujung ni ngoluna/ari hamamatena. Isarana, Charles Schwab pemilik pabrik baja terbesar di dunia, meninggal tanpa memilili uang sepeser pun. Oward opson pemilik pabrik gas terbesar di dunia menjadi tidak waras/gila, karena tidak memiliki uang lagi di tangannya. Demikian juga Perninad Marcos. Alani i unang ma olo hita madabu tubagasan ginjang ni roha ditingki denggan ngolunta unang tabahen arta i gabe ‘debata’.

2. Unang lea roham marnida halak na metmet. Maol do simalolongta marnida jolma songon i jala lomoan do rohanta marnida halak na hebat songon si Naeman. Alai, nuaeng dipaloas Debata do halak pinggiran gabe pahlawan. Ai di na mandele si Naeman ala hancur kehebatanna alani sahit, disi ma ro boruboru na metmet i (ayat 3). Untunglah, Naeman juga orang yang berbesar hati. Ditangihon ibana do hata ni boruboru na metmet jala i do mambaen malum Naeman. On do semangat di hita, asa unang manghilala hita naso adong boi bahenonta na denggan. Dilehon Debata do angka halobian tu hita, tarlumobi dilehon do haporseaon na boi patupahon na denggan hombar tu parsuruan ni Debata. Sada na menarik sian pengalaman ni si Naeman, paboa secara phisik mamboan ibana tu pegalaman rohani. Dijalo si Naeman do hamalumon ni pamatangna, pengalaman i justru mamboan ibana tu sada panindangion na luar biasa i ma ayat 15 i. Marhite turpuk on, tatiru ma si Naeman, molo tajalo pengalaman dohot pasupasu secara phisik lam tapabagas ma nang tondinta. Itu bisa terjadi bila kita membiasakan diri memahami seluruh kehidupan ini dari sudut iman bukan hanya dari sudut materi.

3.Dibolongkon si Naeman do ginjang ni roha dohot gengsi. Atik pe sahalak na sangap ibana alai rade do ibana maninggalhon hasangaponna i laho maridi pitu hali di aek i. Nda ido na nihalomohon ni Debata sian hita ? Asa unang sai mangolu be hita di bagasan ginjang ni roha, habalgaonta dohot haboionta asa tarjalo hita asi ni roha na sian Debata. Nda jotjot do hita songon si Naeman on ? Ndang rade hita mangoloi Hata Ni Debata, gariada tahe sai jotjot tapangasahon pingkiranta sandiri. Dipartingkian sinuaeng on, nunga godang jolma i na marsahit, alai pos ma rohanta saluhutna sahit i na boi malum jala sumuang doi molo rade jolma i patupahon songon naung pinatupa ni si Naeman di turpuk on.

4.Haunduhon tu parsuruon ni Debata do na gabe dalanta manjalo pasupasu dohot hamalumon sian Debata. Ai sanga do dipangasahon si Naeman pingkirana, alai ndang na mamboan hamalumon justru semakin memperparah keadaan. Dung pe dioloi ibana parsuruon ni panurirang i, pintor dapotna ma hasil, malum sahitna i. Alani, taoloi ma parenta ni Jesus tanpa keraguan, oloi ma nang pe songon naso mungkin, dok ma songon na nidok ni surusuruan tu si Maria :’ Ndang adong naso tarpatupa Debata’. Kita pasti akan berhasil. Amen