MINGGU NATAL I
25
DESEMBER 2022
Evangelium: Johannes
1:1-14
I.
Patujolo
Shalom, Selamat Ari Natal
ma di Hita saluhutna ...
Di
sadarion marlas ni roha do hita mamestahon ari Natal ima parningotan hatutubu
ni Jesus Kristus na gabe Sipalua di hita. Alai aha do sebenarna makna Natal i?
Holan sebatas kemeriahan do? Manang pesta mewah? Tontu daoang. Diturpukta on
memang ndang dipatorang si Johannes taringot tu partuturon ni Tuhan Jesus,
hatutubuNa di Betlehem dohot tingki sihadakdanahonNa mangihuthon natorasNa tu
bagas joro Jerusalem hombar tu patik ni Jahudi. Dipungka si Johanes do barita
on patoranghon ha-Debataon-Na (ke-ilahianNya) na sian na robi (jaha: na kekal)
jala songon dia pardomuonNa tu Debata. Ai na rumingkot do diibana patoranghon
lapatan ni hatongtongan (kekekalan).
Dipatorang si Johanes do
di turpuk on, naung gabe daging do hata i (ima Jesus Kristus), marhite na gabe
jolma do Ibana jala mangalehon diriNa gabe tobus dosa ni jolma. Jadi ia surat
on digurithon si Johanes laho meluruskan
kembali ajaran na ro di tingki i, ima gnostik
na palsu na pasadahon haKristenan
dohot pamingkirion ni Junani. Si Johanes naeng pabotohon ia Jesus ima Anak ni Debata, na porsea tu Ibana ingkon dapotan
ngolu na salelenglelengna. Jesus ima jolma na sasintongna jala Debata na
nasasintongna dibagasan bagabagaNa “Immanuel” (Jes 7 : 14). Digurithon si
Johanes surat on asa mamboan jolma i tu
haporseaon songon ibana. Antong asa lam pabagashon parbinotoanta taringot tu
hata ni si Johanes on, ta uduti manjaha hatorangan ni jamita on.
II.
Hatorangan
Ni Turpuk
“Di mulana i nunga adong Hata i jala
marhite Ibana ditompa saluhutna”. Sian ayat on, si Johanes
naeng mamboan hita mulak tu keadaan andorang panompaon di portibion. Ndang na
bermaksud ibana naeng pabotohan na adong Debata, ai memang naung diakui jolmai
do Ibana. Naeng dipatorang si Johanes taringot haadonganNa ndada holan na
gabe jolma ibana alai andorang adong dope saluhutna. Ditingki parmulaanna,
tingki sude ditompa, nunga adong Hata on. Portibion adong sian mulana, alai
Hatai adong dibagasan mulanai.
Sian
bahasa aslina, si Johanes mamangke istilah logos
sian filsafat Junani. Alai ndang na gabe pangantuasian i dipangke si Johanes,
ibana mangalapati logos sebagai
penyataan Debata. Adong dua pokok na mansai arga di ajaran ni angka
parhapistaran (filsuf) Junani ima taringot tu Logos dohot portibi on
(kosmos). Na Parjolo, Logos marlapatan firman (hata) dohot pingkiran, logos ima
pingkiran ni Ilahi na maringan di diri ni jolma jala na bertanggungjawab
mambahen atur portibion. Na paduahon, kosmos
manang portibi on, ima portibi na taingani nueng dohot salelengna. Laho
mangalusi sungkunsungkun dohot penelusuran ni angka filsuf Junani on taringot
tu Logos i, dipatorang si Johanes ma
dison pangantusion na sasintongna. Ia logos
ima Debata jala saor tu Debata. Sasintongna ndada holan alus tu halak
Jahudi ayat on alai termasuk do hatorangan na umbagas tuhalak Jahudi. Menurut
si Johanes, naung rap do Debata sian dimulanai (masa panompaon). Jala na
terjadi di tingki on ima Hata ni Debata na tuat tu portibion gabe rupa
“manusia”, “Hata i naung gabe daging”. Sian padan na robi nungga mangula Debata
di portibion melalui panguhum, raja-raja dohot panurirang. Alai ditingki on
Debata melibatkan diriNa sandiri
secara langsung, sebagai Hata ni Debata naung gabe (daging) manusia jala rap
dohot jolma dibagasan rupa ni jolma.
Andorang
so adong do pe portibion nunga adong logos
i jala saor tu Debata. Marhite on naeng patorangonna, ia logos i na manontong do i jala ndang
pancaran ilahi logos i songon
pamingkirion ni Junani. Ndada na ditompa Debata logos i songon pambahenNa tu sude na adong. Ditompa Debata do nang
angka surusuruan alai Debata situtu, diriNa sandiri do logos i jala ndang tinompaNa. “Dibagasan
Hata i do hangoluan, jala hangoluan i gabe panondang di jolma i”. Di ayat
on idaonta ma na sangat berhati-hati panurat surat on paboahon ndang na si
Johanes hatiuron i alai ibana gabe dalan ni Debata, na mangalehon panindangion
taringot tu hatiuron i (Ay 4-5). Ala nunga madabu jolma i tu dosa, jadi ringkot
do hatiuron i di nasida. Nuaeng ro ma logos
mangalehon hangoluan asa disondangi jolma gabe ndang lilu, ndang tartuktuk
be. Laos dipatorang do muse di ayat on ia si Johannes pandidi do hadirionna
dohot panondang na naeng ro i, ai didok ibana do: On do birubiru ni Debata na
mamorsan dosa ni portibion” (Band. 1:29). Ndang dipaburnang ibana dirina, ai
ulaonna i ima menyadarkan bangso Israel asa olo nasida porsea. Tangkas dipaboa
ia ulaonna i ma gabe sitindagi (saksi) na manghatindanghon panondang i. Alai
tontu ndang sian dirina sandiri panindangion i alai sian Debata do.
Marhite
logos i do dijadihon portibi on jala
diramoti. Sai dihalomohon rohaNa do asa unang mardalan jolma lumobi bangsoNa
dibagasan haholomon ai hamagoan do ujungna. Ala ni i ro ma Ibana manopot
bangsoNa i (na di Ibana hian), diboan ma barita haluaon sian Debata, alai ndang
dijangkon Ibana. Sasintongna ingkon las ma rohanasida manjanghon, ingkon ungkap
ma pintu nasida ai nunga diparade hian nasida gabe “buhabaju” manjalo haroro ni
logos i. Alai otik do na olo
manjanghon, toropan do manghosomi dohot manulak Ibana, ai ndang ditanda
portibion (ay 10). Nang pe tuat logos i
tu portibion gabe daging alai Debata situtu do Ibana, jala hamuliaon ni Debata
do na marsinondang di diriNa. Dipatorang do jumolo taringot tu logos na sian mulana asa unang tubu tu
pingkiran ni jolma satonga ilahi Tuhanta Jesus songon pangantusion ni halak
Junani taringot tu logos. Jesus ima
Hata ni Debata na gabe daging jala
maringanan di tongatonganta (ay 14). Marhite Ibana jala dibagasan Ibana do boi
taida hamuliaon ni Debata, ima hamuliaon ni Debata naung dipasahat tu AnakNa na
sasadai. “Anak Sasada” ima martudu tu hadirion ni Jesus, holan sada jala ndang
adong asing ni i. Lapatanna disi, holan Jesus do na gabe dalan laho manada
Debata dohot hatigoranNa, jala marhite Jesus do angka porsea boi manjalo jala
mandai holong dohot hatigoranni Debata (Ban. Ay 15).
III.
Hahonaan
Nang
pe ndang dihatai jala ditaringoti si Johanes taringot tu hatutubu ni Jesus di
turpukta on, alai hatutubuNa i do na pestahon di tingkion. Na menarik di si
Johanes ima taringot tu hadirion ni na tubu i. Ibana do Debata naung adong sian
mulanai, rap dohot Debata maompa portibion jala mamboan haluan. Ala saor do logos (Jesus) naung adong sian mulana,
di Ibana huasa laho pangoluhon. Lapatanna, na porlu tahalashon i ma pambahenan
ni Debata mahite Jesus Kristus na tubu tu portibion mamboan haluaonta. Di ari Natal
on tama do tahatindanghon paboa Tuhanta do hatiuron i na sinuru ni Debatatu
tongatonganta. Alani i marlas ni roha do sude angka na manjanghon Jesus siboan
hatiuron i. Hata ni Debata doo naung manjadihon saluhutna asa jumpang
nanihatahon si Johanes i. Gabe daging ma hata i jala maringan di tongatongan ni
hita on, jadi huida hami ma hasangaponNa, i ma hasangapon ni Anak sasada na
sian Ama i, gok asi niroha dohot hasintongan. Tasomba ma Tuhanta i naung ro
mamboan hatiuron i. Gabe sondanganna ma hita sian angka parungkilonta be.
Di
Natal on tong do dipaingot hita taringot tu haroro Hatiuron i tu portibion.
Menyambut natal berarti menyambut sang Terang., memberi diri diterangi oleh
Yesus sama dengan menyambut hidup yang kekal. Alani jolma na mangihuthon Jesus
ndang mardalan dihaholomon, alai dibagasan hatiuoron i.
Post a Comment