KHOTBAH MINGGU 11 DUNG TRINITATIS, 11 AGUSTUS 2024

I.                    Patujolo

Horas ma dihita saluhutna, marhite turpuk naung tabege jala tajahahon ende puji pujian ni parpesalmen bindu 34 namandok mauliate tu Tuhan ala naung malua sian akka parmaraan dohot sian akka alona. Si David nunga dilelei si Raja Saul na gabe muli ibana tu Nob jala pajumpang dohot Abimelek (1 Sam. 21:1). Alai lao do muse si David manorushon pardalananna sahat ma di Gat pajumpang dohot raja Akhis. Alai godang do diluat i namananda si David gabe taroktohon do ibana mabiar diboto si Saul inganan nai (1 samuel 21:10-15). Alai gabe dibaen ibana ma songon nalalaen (gila) asa unang ditanda raja Akhis ibana. Siani tabereng ma songon dia ma ngolu na bijaksana songon na dihatahon Tuhan i tu si David.

 

II.                 Hatorangan ni Turpuk

Ditikki na maporus i si David sian raja Saul ido mambaen tubu dirohana lao pabotohon songon dia ma mangolu dibagasan na denggan menurut par Psalmen i. Asa martoruk niroha jolma molo di ingot parngoluon ni si David dohot barita naung pinasahatna.

1.      Ayat 2-4 “Panoguon ni Parpesalmen lao mamuji Debata”

Ditikki na di pusa ibana na dipalua Debata ibana sian parukkilon i, ido gabe dibahen ibana sada misi lao “mamuji Debata”. Pemazmur memperlihatkan 4 kata dengan makna yang sejajar yaitu "memuji/ memberkati/ pujionhu" yang menyatakan bahwa Allah adalah sumber segala berkat, "bermegah" yang maknanya sama dengan "haleluya", "memuliakan/ pasangaphon" serta "memasyurkan/ patimbulhon/ meninggikan derajat". Ditikki diparngoluon pe ikkon do adong pengakuanta “Debata do na umbalga di portibion”. Ditikki di parbudakan manang ditikki dihaporsuhon ikkon Debata do dohononta na paluahon hita jala disi do tandaon ni jolma na Debata do pujionna.

2.      Ayat 5-8 “Dipalua Debata do Parpesalmen sian penindasan”

Barita na pinasahat ni parpesalmen songon hata mauliate dohot manogu nogu jolma lao mangalului Tuhan i dht manjalo akka pasu pasu songon naung jinalo ni parpesalmen. Lapatanna jolmai pe ikkon dohot do manjalo pasu pasu sian Tuhani. Parpesalmen i pe godang do diadopi lao mangalului Tuhani, dibagasan hatahuton dohot biar ni roha. Alai dibalik nai sude, dilului do Tuhan i ala Debata do na paluahon hita manisia.

 

III.               Panimpuli

1.      Ngolu naimbaru nanidok ni Parpesalmen ima ala naung malua ibana sian musu dohot naung didongani Tuhan i ibana jala tau ibana pasangap Tuhan i. Ima sada tanda naung manjalo ngolu naimbaru ma ibana.

2.      Pujian parpesalmen dipatudu ibana tu jolma na tertindas asa di pargogoi jala di parbadiai Debata nasida jala na sian Debata do sude dapotonnai. Di situasi songon i do di uji haporseonna asa lam bagas haporseaonna tu Tuhan i.

3.      Mangalului Tuhan i ima tugas ni naporsea di tikki tartindas dohot ditikki adong haporsuhon. Ikkon ingot ma ibana manjou Tuhan i. Alai dang holan i rohani Parpesalmeni ikkon ma nian disadari holan alani huaso ni Tuhan ido boi paluahon jolma sian parukkilon dohot mamuji dohot pasangap Tuhan Debata. Amen