KHOTBAH MINGGU 21 JULI 2024 MARKUS 6 : 30 – 34
I.
Patujolo
Buku
ni si Markus on digoari do “Injil Kerajaan Allah” ala secara umum isina
ima manaringoti taringot tu
“Harajaon ni Debata” na pinapatarna dibagasan Kristus Jesus.
Jala mangihuthon angka penelitian ni ahli teologi buku ni si Markus on do buku na
tertua di Padan na imbaru. Tung
massai singkop do di injil Markus on Pangajarion ni Jesus disaluhutna asa gabe
panean di harajaon ni Debata. Sada hal na sangat menonjol di inijl markus on
ima jamita ni Tuhan Jesus di dolok (Kotbah di bukit) taringot tu harajaon ni Debata.
Perikop ni Jamita on
secara utuh Markus 6: 30-44 ima Na tinamuean ni Jesus Lima Ribu halak laho
patuduhon Huaso ni Debata. Alai Evangeliumta ima di Markus 6:30-34 na
mangondolhon “Debata marmahani ruasNa”.
II.
Hatorangan
Dung tardidi
Tuhan Jesus di aek Jordan
laos ima mula ni pangkobasionna, pintor sar do barita tu sude luat taringot tu pangajarion dohot angka
tanda halongangan napinatupaNa. Asa tung massai godang do namangihuthon Jesus
sian angka luat lao tumangihon pangajarionna dohot naeng marnida angka tanda
halongangan napinatupana. Ditodo Jesus do angka siseanna asa adong donganna lao
padarathon harajaon ni Debata tu saluhut
jolma. Di turpuk jamita on, di na ro
angka sisean I mandapothon Jesus
dung diulahon nasida parsuruon ni Tuhan Jesus asa ro do nasida pabotohon tu Jesus angka aha naung diula dohot na niajarhon
nasida. Ido tingkosna molo
dilehon sasahalak tu iba ulaon, molo dung nioloan jala ni ulahon ingkon laporhononton do aha naung niula I tu namarsuru iba. Ido molo sisean. Nian diturpuk on ndang pola digurithon angka aha laporan ni angka sisean I tu Jesus, alai intina
dipaboa nasida sude naniula jala naniajarhon nasida.
Diboto Jesus do paboa
naung loja angka siseannai, alanido
di dok Jesus tu nasida
sumurut ma hamu dungkan na suhi pahosahon saotik (beristirahat), ai torop do halak mar lao ro tu nasida, gari mangan, gari so sadihari.
Sian pandok ni Jesus on naeng antusanta paboa Ibana pe
mangalehon partingkian do tu angka siseannai
“Pahosahon/Istirahat”. Adong do partingkion “pahosahon/Istirahat” di baen Jesus. Ndang
gabe torus mula ulaon. Massai ringkot do antusanta
nanidok ni Tuhan Jesus on tu angka sisean namangalehon partingkian
“pahosahon”sian angka ulaon. Alani
borhat do Jesus rap dohot sisean I marparau tu inganan na suhi.
Di na
borhat nasida tu inganan na suhi I, torop do marnida jala mananda nasida na
borhat I, gabe sian darat ma marlojong
angka na torop I, asa di na tardarat Jesus di idama punguan
na boloni, gabe asi ma rohaNa mida natorop I, ai songon biru
biru na so marparmahan , gabe godang ma dipodahon tu nasida.
Ianggo sangkap ni
Jesus tu angka sisean I ala mamereng Jesus dihalojaon ni angka siseannai ima
asa borhat nasida pahosahan tu inganan na suhi. Alai songon nabinaritahon ni
turpuk on di naborhat I nasida lao tu parau I manuju inganan
na suhi I, diida jala ditanda angka
natorop ido nasida
alani dijalahi natorop
I do dalan jala marlojong nasida
tu inganan na suhi I, gabe di na sahat parau ni Tuhan Jesus
rap dohot sisean I tu inganan nasuhi I, laos disi nungga jumping
Jesus angka na torop i. Memang gabe tubu do sungkun sungkun:
naung diboto natorop I do tujuan
ni Jesus ima inganan na suhi i? manang ala ni sihol ni roha ni na torop I, gabe diarahon
Tondi ni Debata nasida tu inganan na suhi i? alai manang dia pe I, na
pasti didapothon na torop I do Jesus tu inganan na suhi I, jala di ida Jesus
nunga torop nasida di inganan i. Marnida na torop I, asi ma roha ni Jesus, ai
songon biru biru nasida so marparmahan, gabe godang ma dipodahon tu nasida.
Nangpe sangkap ni Tuhan Jesus rap dohot sisean I naeng pahosahon/istirahat tu
inganan na suhi, alai marnida na torop na ro marlojong mandapothon Jesus gabe asi ma rohaNa,
dijangkon na torop
I jala diajari nasida. Jala molo tajaha
udut ni turpuk on gabe dilehon Jesus do mangan na
torop I marhite 5 roti dohot 2 dengke napineop ni sisean I, boi mangan 5000
halak holan bao jla lobi dope 12 ampang nai. Sada hal na ikkon botoonta jala
tiruonta dipambahenan ni Jesus tu angka na torop ima: Nangpe naung loja jala maheu hita diangka
ulaonta jala nunga tingkina hita ingkon
pahosahon/istirahat tu inganan na suhi, alai molo jumpang hita angka na uso uso
di inganan na suhi I, ingkon asi do rohanta
mida nasida marhite
namangalehon na ringkot
di nasida songon
Jesus namamodahon godang
tu na torop I angaka barita
hangoluan i. ai napasti diuas ni na torop I dipangajarion ni Tuhan Jessus
di harajaon ni Debata, gabe hangoluan do di angka na
ro tu Ibana.
III.
Pangonaion tu Ngolu Siapari
Molo tapaumbuk tu
ojahan ni turpuk Jamita sadarion “Debata marmahani Ruasna”, adong 2 poin na
ringkot botoonta dohot hangoluhononta ima :
- Asi ni roha ni Debata marhite
namangalehon partingkian di hita “pahosahon” hita sian angka
ganup ulaon
napinasahatna tu hita (Pahosahon na pinarmahanna).
-
Ndang adong tingki ni Debata
pahosahon diriNa. Alai anggo Ibana ndang adong tingki “Pahosahon” ai sai
tongtong do rade Jesus manjalo halak na uso uso tu Ibana asa dapotan
pangajarion di harajaon ni Debata, asa marhite pangajarionna taruli hita sude
gabe napinarmahanna sahat ro di saleleng ni lelengna. Amen.
