2 Timotius 4:1-5
I.
Patujolo
Di ari na
parpudi on mansai godang do angka parbarita na uli jala marasingasing muse do nang angka pandohan na. Marragam muse nang angka pangantusionna, alai molo
mangihuthon hata ni Tuhan i do nasida
ra mardomu tusi do dalan na. Ala nunga mansai maol mangalului gabe sada halak parbarita na uli, maol dohononnta
jala memang nunga lam margeser be
angka pangantusion tarsingot tu angka
parbarita na uli. Suman tu pandohan ni si Johannes (Joh. 4: 35) nunga marlangat
hauma i, porlu ma dison angka pangula ima parbarita
ni Tuhan. Nang songon ido muse bangso Israel hatiha di Misir nunga dapot ma tingki ni
Debata asa paharuaron Na nasida sian Misir asa ma nian adong sada parbarita na uli pabaritahon haluaon, manang na manghobasi nasida, mambeta-beta, gabe sada pangomgom di nasida tu tano parjanjian ni
Debata. Dihilala rohanta ndang piga
be adong na ra rohana, di bagasan unduk dohot lambok niroha manjalo ulaon si songoni. Tarlumobi ma ala ndang adong parbinotoan, ndang adong gelar, ndang adong invetaris dalan, ndang adong tingki,
lan dope angka sidalianta mangolohon si songoni. Marsiajar ma hita sian turpuk on dia do
astuan ni naposo ni Debata gabe sada parbarita na uli.
II.
Hatorangan ni Turpuk
Mangihuthon tradisi ni haporseaon ni halak Israel targoar do buku 2 Musa on exodus na marlapatan mai keluar/haruar/borhat sian Misir, manang proses pardalanan ni nasida mandapothon huta Kanaan. Di buku on boi idaonta boha do parmulaan ni Jahowa tu mangihon angukangguk ni nasida gabe asi ma roha ni Jahowa asa di palua nasida. Adong do impola, manang astuanna boasa pola ingkon urupon ni Jahowa nasida haruar sian Misir na parjolo ma i: asa saut ma padan ni Debata bangsa na tarpasupasu nasida. Paduahon: asa ditanda nasida Debata jala di oloi Ibana (2 Musa 3: 12b). Gabe ro ma Debata mandapothon si Musa (Moses) lapatanna dipalua (diselamatkan). Asa di parmahanan di dolok Horeb dipatuduhon Debata ma DiriNa marhitehite ramba api na marnalanala (3:2) on ma panjouona na parjolo di si Musa asa gabe laho ibana marbarita na uli tu bangso Israel i. Tangkas ma tutu na ingkon jumolo do naposo nai di jou, alai na gabe sungkun sungkun boasa gabe si Musa di jou? Na pistar do ibana, manang na gogo do ibana? Alusna ndang, ala ni ido didok ibana di ayat 10 on pamuhai ayat ni jamita on ndang jolma parhata au, olat ni natoari, tusadarion, dokdok do pamanganku, hallang dilakku. Mangihuthon si Musa ndang adong na patut si idaon sian ibana, magodang di Mesir do ibana, haporsean ni si Firaun gana-ganaan do, parsiajaranna pe sian harajaan do, pamunu do ibana, pangarantaonna pe nda holan di huta ni si Laban gabe sada parmahan. On ma na ginoaran theokrasi (hak progretif ni Debata sambing do i) melalui pemerintahan Allah, Allah hadir secara nyata, Allah memilih secara langsung, holan ala asi ni roha ni Debata do mamillit naposa si Musa gabe parbarita na uli.
Dung di pillit ma
ibana gabe panggomgomi, di pasahat Debatama on
pe laho ma ho, on do ojahan na paduahon asa molo dung di pillit Debata di ojakkan
ma asa lao, molo lam tapamanat hata on, boi do on astuanta asa adong ma dison bergerak, meninggalkan satu titik ke titik berikut. Laos dison pe nga
adong dison pananingkonon ingkon tadingkonona ma inanta na nadua i, simatuana si Laban, artana,
pahanan na, hutana nang sude angka sisolhonna. Hira ndang dapot roha ni si Musa do pandohan ni Debata, ala
marlus do ibana asa di lului Debata
na asing laho mangantihon ibana. Asa
molo lao pe ibana adong do dongan na
haha ni si Musa mandongani ima si Aron. On
ma na gabe parhitean ni Jahowa tu si Musa di hatahuton ni ibana mangulahon hata ni Debata.
Pola ingkon tarrimas
do Debata mangkatahon pamiliti on nai di si Musa.
Marragaman do dipamasa Debata ima, sada dalan mamintori roha ni si Musa asal ma di undukkon
hata ni Debata jala dipasahat do sada ugasan na mansai arga di ibana ima tungkot dibagasan tangan na. Sasintong na
ndang ala ni tungkot i, adong Sada Huaso na mansai arga dilehon Debata tu si Musa na gabe sada bohal na balga di ibana mamaritahon
halua on i tu bangso i.
III.
Sipahusorhusoron
a. Ragam na dia ma hita
nueng di angka parbarita na uli i, Songon patujolo
ni turpuk jamita na na tarsurat di ginjang nangkin? Molo tung pe bagas jala topet di namasa nuaeng godang
hita marsidalian laho
mangulahon hata i. Ai nunga dapot be tingkina
sadarion nunga marlangat
hauma i ingkon adong ma nian pangula/parbarita. Suman tusi do hita
tarjou sude asa gabe sada pangula
hita ditongatonga ni parngoluon on dipillit jala didok ingkon laho do hita mamaritahon barita na uli i. Ise mai? Ndang holan pandita, sintua, parminggu, alai
naeng ma nian sude hita tarjou tusi.
b. Marrimas do Debata molo dung dipillit
Debata alai ndang diolohon
pamililitionnta i, masa mai molo sai marsidalian hita, sipata tadok ndang huantusi, ndang adong tingki, ala ngolunta on pe ndang holan di dirinta, ngolunta on ima
ngolu na mararti tu Debata nda holan dirinta
sambing (Pil. 1:21) molo tung pe mangolu
hita holan di Kristus sambing
do ngolunta on. (Pat. Pilp.1: 27).
Dilehon Debata do hape bohal ima na manggogoihon rohanta mangulahon parmaritaon i, taida ma si Musa di bahen do si Arun dongan na mangkatai, tingkot, jala na rumingkot ima dipasupasu Debata do pamangan si Musa dohot si Arun mengkatahon i asal ma di olohon di undukkon parenta ni Debata. Bohal na rumingkot ima unang hatahon hata ni jolma, alai hata ni Debata do. Sian dia dapotan hita hata i? marsiajar ma angka pangula, mencaha ma angka pangula, managihon ma angka pangula, asa unang na tahatahon i holan pingkiranta. (Psalm. 90:12)
Post a Comment