1.
Konteks
Ingkon rajuman ni roha ni jolma na so dapotna hangoluan
molo so dibagasan hatiuron i. Ala
ni i
do jumolo ditompa Debata na tiur. Jala nunga marhite panulingkitan
(penelitian) jala gabe di hatindangkon
molo mian jolma i di haholomon dang boi di ula
agia aha, jala madabu tu ngolu na gok parmaraan. Madabu ma jolma tu ngolu na paranoid jala
marsurasura (Berhalusinasi). Lam leleng dibagasan
haholomon i, masuk ma jolma i dibagasan
hadirion na mandele
gabe dilului sandiri
ma pola na boi mambahen
partahanan (homo hominilupus).
Songon i ma suman panghilalaan ni bangso Israel dibagasan habuangan
Babel i tung dibagasan haholomon
situtu gabe so adong panghirimon asa morot sian haholomon i. Gariada uju dibege jala masa parhusoran asa morot tu ngolu na denggan nasida digohi biar, mengalami masa trauma na imbaru. Ala ragu nasida di asiasi ni Debata ala ni leleng ni haporsuhon na masa
di nasida ala pangondamondam ni haporsuhon di habuangan. Dipartingkian na songon i ma ro Panurirang Jesaya paposhon roha ni bagso i asa nunga tingkina morot
sian haholomon i. masuk ma nasida
tu hatiuron jala sian Debata do hatiuron i. Gariada hilalaan nasida ma ngolu na gok las ni roha. Ngolu na gok parsaulian. Ai masa ma hamubaon. Manumpak
ma pasupasu ni Debata marhite
parbinotoan dohot hamujuon na ro sian angka ianakhon
nasida. Songon i angka bangso na asing dohot mangida hamubaon na masa jala marhabiaran situtu ala hatiuron ni Debata na mian
di nasida.
Panurirangon manang
soso di panurirang Jesaya tu bangso na asa masuk nasida tungolu naimbaru
di bagasan hatiuron.
I ma seruan
na prophetic. Na manogunogu jala
pahothon bangso i ma Debata do
mamboan nasida tu hatiuron i. Jala tung tutu do masa i di nasida. Alai keraguan nasida na sanga berfikir na haporsuhon i ma jambar nasida,
dung di ida marokso bagas joro na di Jerusalem, tarulang huta na hea uli di masa ni Raja Salomo, mabiar nasida hira namarnipi, tarbahen
dope pulih songon tingki na salpu i?
2.
Refleksi
Jotjot do digohi biar ganup hita diangka sangkap
na uli na dipasahat Debata tu
ngolunta. Sai dihilala rohanta dang tarbahen
hita mangula dohot mangolu dibagasan
panjouonNa i. Songon
i do keadaan ni jolma naung
leleng diparhatoban. Nga dianggap i songon
bangko (nasib) terjadi staknasi keadaan. Manang tudia pe laho jolma na songon on akan
senantiasa ragu dan tidak memiliki potensi
untuk militan dalam sikap. Songon hita Batak uju di ngolu na so Kristen
i dope gariada menutup diri. Marluat luat jala mambahen
bulu diginjang ni tano asa unang ro mara laho mangaroro nasida.
Namangihut, gabe sipaula
ula ma jolma i ndang adong visi. Songon i bangsota Indonesia
naung dihamudarhon masa
parhatobanan marhite bangso na asing 3,5 abad. Mental na songon i mambahen
jolma i dang bernyali manjonohi hatiuron. Segan, sungkan, dan merasa tidak pantas. Siala ni i ringkot situtu do (healing). Asa masa pertumbuhan paradigma.
Marhite momentum advent na parpudion (Advent-
4) soso na manggohi hita,
asa mangolu di pos ni roha ba dihaholongi Debata hita, jala hita na gabe keutamaan
ni panompaon na dipaborhat Debata si boan hatiuron,
ima ngolu naimbaru.
Jala gabe singkatNa hita mamboan hamubaon ni
humaliang hita, ala ni i songon na
didok ni si Paulus tu naposona si Timoteus; ai dilehon Debata do tu hita tondi hagogoon, tondi haholongan, tondi pangarajaion
diri, ndada tondi hatahuton. Tung porsuk situtu do ngolu dibagasan biar ndang adong holong di halak na mabiar; alai dipabali holong ni roha naung rimpas
i do biar i. ai na bernit
do
anggo biar; jala
dang rimpas holong ni roha ni halak na mabiar (1 Joh. 4: 18). Laos didok Jesus do tu hita; hamu do panondang ni portibion
manang di dia hita mian dohot ma luat i manjalo hatiuron. Ala sondang na di bagasan hita. Ingkon songon i do torus pardalanan i ngolunta, dibagasan
hatiuron. Asa dipuji Debata na dibanua ginjang i. (Mat 5: 14 – 17).
Post a Comment